Zamonaviy rejim, "use strict"

Uzoq vaqt davomida JavaScript muvofiqlik muammolarisiz rivojlandi. Tilga yangi xususiyatlar qo’shildi, eski funksionallik esa o’zgarishsiz qoldi.

Buning afzalligi shundaki, mavjud kod hech qachon buzilmasdi. Ammo salbiy tomoni shundaki, JavaScript yaratuvchilari tomonidan qilingan har qanday xato yoki nomukammal qaror abadiy tilga yopishib qoldi.

Bu holat 2009 yilgacha davom etdi, ECMAScript 5 (ES5) paydo bo’lgunga qadar. U tilga yangi xususiyatlar qo’shdi va mavjudlarning ba’zilarini o’zgartirdi. Eski kodning ishlashini ta’minlash uchun bunday o’zgarishlarning aksariyati sukut bo’yicha o’chirilgan. Ularni maxsus direktiva bilan aniq yoqishingiz kerak: "use strict".

“use strict”

Direktiva string kabi ko’rinadi: "use strict" yoki 'use strict'. U skriptning yuqori qismida joylashgan bo’lsa, butun skript “zamonaviy” usulda ishlaydi.

Masalan:

"use strict";

// bu kod zamonaviy usulda ishlaydi
...

Tez orada biz funksiyalarni (buyruqlarni guruhlash usuli) o’rganamiz, shuning uchun oldindan ta’kidlab qo’yamizki, "use strict" funksiyaning boshiga ham qo’yilishi mumkin. Buni qilish faqat o’sha funksiyada qattiq rejimni yoqadi. Ammo odatda odamlar uni butun skript uchun ishlatadi.

alert("qandaydir kod");
// pastdagi "use strict" e'tiborga olinmaydi -- u yuqorida bo'lishi kerak

"use strict";

// qattiq rejim faollashtirilmagan

Brauzer konsoli

Kodni ishga tushirish uchun dasturchi konsolidan foydalanganingizda, u sukut bo’yicha use strict ishlatmasligini unutmang.

Ba’zida, use strict farq qilganda, siz noto’g’ri natijalar olasiz.

Xo’sh, konsolda aslida use strict qanday ishlatish kerak?

Birinchi navbatda, bir nechta satr kiritish uchun Shift+Enter ni bosishga urinib ko’rishingiz va use strict ni yuqoriga qo’yishingiz mumkin:

'use strict'; <Yangi satr uchun Shift+Enter>
//  ...sizning kodingiz
<Ishga tushirish uchun Enter>

Bu ko’pchilik brauzerlarda, ya’ni Firefox va Chrome da ishlaydi.

Agar bu ishlamasa, masalan, eski brauzerde, use strict ni ta’minlashning yomon, ammo ishonchli usuli bor. Uni bunday wrapper ichiga qo’ying:

(function() {
  'use strict';

  // ...bu yerda sizning kodingiz...
})()

“use strict” dan foydalanishimiz kerakmi?

Savol aniq ko’rinishi mumkin, ammo unchalik emas.

Skriptlarni "use strict" bilan boshlashni tavsiya qilish mumkin… Ammo nimani bilasizmi?

Zamonaviy JavaScript “klasslar” va “modullar” ni qo’llab-quvvatlaydi – bu ilg’or til tuzilmalari (biz albatta ularga yetib boramiz), ular use strict ni avtomatik ravishda yoqadi. Shuning uchun agar biz ulardan foydalansak, "use strict" direktivasini qo’shishimiz shart emas.

Shunday qilib, hozircha "use strict"; skriptlaringizning yuqori qismidagi mehmondir. Keyinchalik, kodingiz butunlay klaslar va modullarda bo’lganda, uni tashlab ketishingiz mumkin.

Hozircha biz use strict haqida umumiy ma’lumot oldik.

Keyingi boblarda til xususiyatlarini o’rganar ekanmiz, qattiq va eski rejimlar orasidagi farqlarni ko’ramiz. Baxtimizga, ular ko’p emas va ular aslida hayotimizni yaxshilaydi.

Ushbu o’quv qo’llanmasidagi barcha misollar qattiq rejimni nazarda tutadi, agar (juda kamdan-kam) boshqacha ko’rsatilmagan bo’lsa.