Naqshlar va bayroqlar

Doimiy ifodalar – bu matnni izlash va almashtirishning kuchli usuli.

JavaScript-da doimiy ifodalar o’rnatilgan RegExp klassidagi obyektlar yordamida amalga oshiriladi va satrlar bilan birlashtirilgan.

E’tibor bering, doimiy ifodalar dasturlash tillarida turlicha bo’lishi mumkin. Ushbu qo’llanmada biz JavaScript-ni ko’rib chiqamiz. Albatta, umumiy jihatlar juda ko’p, ammo ular Perl, Ruby, PHP va boshqalarda bir-biridan farq qiladi.

Doimiy ifodalar

Doimiy ifoda (shuningdek, “regexp” yoki shunchaki “reg”) naqsh va ixtiyoriy bayroqlardan iborat.

Doimiy ifoda obyektini yaratish uchun ikkita sintaksis mavjud.

Uzun sintaksis:

regexp = new RegExp("pattern", "flags");

…Va "/" chiziqlaridan foydalangan holda qisqa:

regexp = /pattern/; // bayroqlar yo'q
regexp = /pattern/gmi; // g, m va i bayroqlari bilan (tez orada ko'rib chiqamiz)

Qiyshiq chiziqlar "/" JavaScript-ga biz doimiy ifoda yaratayotganimizni bildiradi. Ular matnlar uchun qo’shtirnoqlar bilan bir xil rol o’ynaydi.

Foydalanish

Bu ikki sintaksis o’rtasidagi asosiy farq shundaki, qiyshiq chiziqlar /.../ yordamida naqsh ifodalarni kiritishga imkon bermaydi (masalan, ${...} bilan satr shablon literallari kabi). Ular butunlay statik.

Qiyshiq chiziqlar kod yozish vaqtida doimiy ifodani bilganimizda ishlatiladi – va bu eng keng tarqalgan holat. new RegExp esa ko’proq dinamik ravishda yaratilgan satrdan “on the fly” doimiy ifoda yaratishimiz kerak bo’lganda ishlatiladi. Masalan:

let tag = prompt("Qaysi tegni topishni xohlaysiz?", "h2");

let regexp = new RegExp(`<${tag}>`); // yuqoridagi promptda "h2" javob berilgan bo'lsa /<h2>/ bilan bir xil

Bayroqlar

Doimiy ifodalarda qidiruvga ta’sir qiluvchi bayroqlar bo’lishi mumkin.

JavaScript-da faqat 6 tasi mavjud:

i

Bu bayroq bilan qidiruv katta-kichik harflarga sezgir emas: A va a o’rtasida farq yo’q (quyidagi misolga qarang).

g

Bu bayroq bilan qidiruv barcha mosliklarni qidiradi, u bo’lmasa – faqat birinchi moslik qaytariladi.

m

Ko’p qatorli rejim (Langarlarning ko'p qatorli rejimi ^ $, "m" bayrog'i bobida ko’rib chiqiladi).

s

“Dotall” rejimini yoqadi, bu nuqta . ga yangi qator belgisi \n ga mos kelish imkonini beradi (Belgilar sinflari bobida ko’rib chiqiladi).

u

To’liq Unicode qo’llab-quvvatlashni yoqadi. Bayroq surrogate juftlarni to’g’ri qayta ishlashga imkon beradi. Bu haqda ko’proq Unicode: "u" bayrog'i va \p{...} sinfi bobida.

y

“Yopishqoq” rejim: matnda aniq pozitsiyada qidirish (Yopishqoq bayroq "y", pozitsiyada qidirish bobida ko’rib chiqiladi)

Qidiruv: str.match

Yuqorida aytib o’tilganidek, doimiy ifodalar satr metodlari bilan birlashtirilgan.

str.match(regexp) metodi str satrida regexp ning barcha mosliklarini topadi.

Uning 3 ta ish rejimi bor:

1. Agar doimiy ifodada g bayrog’i bo’lsa, u barcha mosliklarning massivini qaytaradi:

   let str = "We will, we will rock you";
   
   alert( str.match(/we/gi) ); // We,we (2 ta mos keluvchi pastki satrlar massivi)

   E’tibor bering, We ham, we ham topildi, chunki i bayrog’i doimiy ifodani katta-kichik harflarga sezgir emas qiladi.

2. Agar bunday bayroq bo’lmasa, u faqat birinchi moslikni massiv ko’rinishida qaytaradi, to’liq moslik 0 indeksida va ba’zi qo’shimcha tafsilotlar xususiyatlarda:

   let str = "We will, we will rock you";
   
   let result = str.match(/we/i); // g bayrog'isiz
   
   alert( result[0] );     // We (1-moslik)
   alert( result.length ); // 1
   
   // Tafsilotlar:
   alert( result.index );  // 0 (moslik pozitsiyasi)
   alert( result.input );  // We will, we will rock you (manba satr)

   Massivda 0 dan tashqari boshqa indekslar ham bo’lishi mumkin, agar doimiy ifodaning bir qismi qavslar ichiga olingan bo’lsa. Buni Ushlash guruhlari bobida ko’rib chiqamiz.

3. Va nihoyat, agar moslik bo’lmasa, null qaytariladi (g bayrog’i bor-yo’qligi muhim emas).

   Bu juda muhim noyanslik. Agar moslik bo’lmasa, biz bo’sh massiv emas, balki null olamiz. Buni unutish xatolarga olib kelishi mumkin, masalan:

   let matches = "JavaScript".match(/HTML/); // = null
   
   if (!matches.length) { // Xato: Cannot read property 'length' of null
     alert("Yuqoridagi qatorda xato");
   }

   Agar natija har doim massiv bo’lishini xohlasak, uni shunday yozishimiz mumkin:

   let matches = "JavaScript".match(/HTML/) || [];
   
   if (!matches.length) {
     alert("Moslik yo'q"); // endi ishlaydi
   }

Almashtirish: str.replace

str.replace(regexp, replacement) metodi str satrida regexp yordamida topilgan mosliklarni replacement bilan almashtiradi (g bayrog’i bo’lsa barcha mosliklarni, aks holda faqat birinchisini).

Masalan:

// g bayrog'isiz
alert( "We will, we will".replace(/we/i, "I") ); // I will, we will

// g bayrog'i bilan
alert( "We will, we will".replace(/we/ig, "I") ); // I will, I will

Ikkinchi argument replacement satridir. Biz unda moslik fragmentlarini kiritish uchun maxsus belgilar kombinatsiyasidan foydalanishimiz mumkin:

$& bilan misol:

alert( "I love HTML".replace(/HTML/, "$& and JavaScript") ); // I love HTML and JavaScript

Sinash: regexp.test

regexp.test(str) metodi kamida bitta moslikni qidiradi, agar topilsa true, aks holda false qaytaradi.

let str = "I love JavaScript";
let regexp = /LOVE/i;

alert( regexp.test(str) ); // true

Ushbu bobning davomida biz ko’proq doimiy ifodalarni o’rganamiz, ko’proq misollar bilan tanishamiz va boshqa metodlar bilan ham uchrashamiz.

Metodlar haqida to’liq ma’lumot RegExp va String usullari maqolasida berilgan.

Xulosa

• Doimiy ifoda naqsh va ixtiyoriy bayroqlardan iborat: g, i, m, u, s, y.
• Bayroqlar va maxsus belgilarsiz (keyinroq o’rganamiz), regexp bo’yicha qidiruv pastki satr qidiruvi bilan bir xil.
• str.match(regexp) metodi mosliklarni qidiradi: g bayrog’i bo’lsa barchasini, aks holda faqat birinchisini.
• str.replace(regexp, replacement) metodi regexp yordamida topilgan mosliklarni replacement bilan almashtiradi: g bayrog’i bo’lsa barchasini, aks holda faqat birinchisini.
• regexp.test(str) metodi kamida bitta moslik bo’lsa true, aks holda false qaytaradi.